緯驊藝廚

营业中

休息中

如果要介绍打工仔饭堂，我一定介绍纬骅。五六十蚊一个午饭，但料系靓㖞！见到佢有做openrice外卖优惠，价钱仲抵。我已经黎过几次，最值得推介系佢个萝卜牛腩。萝卜超吸入味，牛腩更加唔使讲，件件大旧炆得刚刚好，唔会好硬又唔会太淋。呢个系当日午餐推介，仲送饮品，价钱来讲系抵食。另外散叫一个冬阴功虾球炒意粉。本身呢个冬阴功都几辣，老板知我食得辣，仲问我加唔加辣，我当然话好啦😂真系辣得好过瘾！呢个我要特推，每次黎我都食呢个，酸辣我唔好，好彩唔太酸，对我黎讲啱啱好。呢间餐厅成日做唔同嘅优惠同菜式。最近做紧两小时火锅放题，价钱亦几吸引，二百零蚊两个钟。冬天𠮶时仲做羊腩煲，买过返屋企过节，好正！建议加佢社交平台留意佢嘅优惠同订枱试新野。