師父飯堂

营业中

休息中

其实呢间餐厅应该已经encore左不下10次，午餐黎讲佢真系有好多款唔同野食，意粉都有超过15款选择，更可以自选配料、酱汁、意粉种类等等黎打造岩你个人口味嘅意粉。而除左意粉，呢到都有饭同沙律等选择，仲有唔同小食eg.鸡翼、薯条等比大家可以叫黎share食。今次嗌嘅呢个系我成日会叫嘅一款，间唔中就会想去食🤣香蒜蚬肉意粉 - $60co值高之选! $60包嘢饮，可以拣奶茶咖啡等，亦可以拣中汤/山楂汁，中汤好足料，又较清甜，所以我平时都会嗌佢。首先份量超多，睇相都见到系布满一大个碗。然后味道我觉得系数一数二香港好食嘅香蒜意粉。首先佢好重蒜味，好香口，带有少少香蒜炒出黎既微辣感。而成个意粉嘅软熟程度岩岩好，唔会因为加入香蒜炒得耐左而变得干身，加埋蕃茄仔，成个好开胃。