營豐海南雞專門店 (已結業)

今日落街买外卖上楼食，途经呢间转角新开既营丰海南鸡专门店，望望餐牌见到午饭大多数都系$40楼下，真系要试下。午饭选择都有9款。另外仲可以叫单只鸡。除左主打海南鸡，仲有囗水鸡、盐水鸡、醉鸡等，今次我就试试香茅煎猪扒饭。饭加例汤只系$38，系现今物价腾贵既香港真系平。饭方面可以选择白饭或者黄姜饭，黄姜饭香味十足，返到屋企大约10分钟后口感仍然粒粒分明。香茅猪扒亦够大件，唔韧之余外皮煎得够香，真心抵食。而家午餐郁啲就$50以上，令我呢啲打工一族更难储钱，好彩营丰开系屋企附近，以后就系我既食堂！