影片
更多
2012-04-10
1225 浏览
以前细个住尖沙咀，都曾经去过。那时对食冇乜要求，但都觉得佢唔系好掂。因为某啲原因，最近又要去一次。间嘢其实都好多嘢食，但就唔系咁好食。第一轮三文鱼唔新鲜。第二轮叫做好啲，但仍然冇乜鲜味，得雪味，如同一般超巿买既一样。满以为烧牛肉应该会好一点，但就好韧。带子圣子炒蚬又熟过龙，想煮碗粉面比囝囝食，点知可能个厨太忙，煮成碗丸但就唔记得煮粉面，仲系用白开水嚟煮汤，好淡味。叫做好啲系个碗仔翅，但都比不上街头间街边小吃！厨房人数十分不足，一个厨要负责埋煮粉面，烧串烧，切烧牛肉。好似连整班Cake都系佢。部份食客亦十分冇礼貌。有唔排队，有推推撞撞，有响Bar枱试饮试食先攞埋位。就算有队排，除咗排第一二个一定有之外，其他都未必有。唔系间嘢出得少，而喺第一二个可以差唔多攞晒！我同囝囝出去攞嘢食都好心惊胆跳，怕一有新嘢出啲人会失去理志咁撞亲佢！最顶瘾系，间嘢间唔中会叫咪话有乜限量推介，叫人出嚟排队攞。矶烧帆立贝，心太软，其实好多正常既Buffet已经大大方方比大家任食，使唔使限量？明系酒店Buffet，搅到间嘢好似庙街酒廊咁，想静静地食餐饭都唔得。间嘢虽然系酒店Buffet，但就打算打平价巿场。所以如果只
间嘢其实都好多嘢食，但就唔系咁好食。第一轮三文鱼唔新鲜。第二轮叫做好啲，但仍然冇乜鲜味，得雪味，如同一般超巿买既一样。满以为烧牛肉应该会好一点，但就好韧。带子圣子炒蚬又熟过龙，想煮碗粉面比囝囝食，点知可能个厨太忙，煮成碗丸但就唔记得煮粉面，仲系用白开水嚟煮汤，好淡味。叫做好啲系个碗仔翅，但都比不上街头间街边小吃！
厨房人数十分不足，一个厨要负责埋煮粉面，烧串烧，切烧牛肉。好似连整班Cake都系佢。
部份食客亦十分冇礼貌。有唔排队，有推推撞撞，有响Bar枱试饮试食先攞埋位。就算有队排，除咗排第一二个一定有之外，其他都未必有。唔系间嘢出得少，而喺第一二个可以差唔多攞晒！我同囝囝出去攞嘢食都好心惊胆跳，怕一有新嘢出啲人会失去理志咁撞亲佢！
最顶瘾系，间嘢间唔中会叫咪话有乜限量推介，叫人出嚟排队攞。矶烧帆立贝，心太软，其实好多正常既Buffet已经大大方方比大家任食，使唔使限量？明系酒店Buffet，搅到间嘢好似庙街酒廊咁，想静静地食餐饭都唔得。
间嘢虽然系酒店Buffet，但就打算打平价巿场。所以如果只想食得饱，间嘢绝对可以满足你。但如果对食物质素有要求，就不建意这间了。
题外话/补充资料：
已经好耐冇去食Buffet唔饱...
(以上食记乃用户个人意见 , 并不代表OpenRice之观点。)
张贴