G-NET (已搬遷) 新店位置

圣诞假期第一日第一次落网吧，比我印象中来得干净企理，意外地仲发现哩间的餐饮膳食又几唔错㖞。打机打到咁上下，唔想出出入入去揾食，见佢成叠餐牌任君选择，先order了两杯冻饮，一杯蜂蜜绿茶及一杯冻柠茶，湿湿口再点了个花生酱奶油脆皮牛角酥，热热的上碟，咬口酥软，坚唔错！正餐我点了个大大碗米线、麻辣汤底、中辣、四宝加腩肉，超满足，其实叫大辣都仲可以，麻麻的口感好过瘾，好惹味，冬天食完更觉暖胃。同伴叫了个鸡扒肠仔芝士白汁焗饭，佢表示啲鸡扒肉几嫩，饭味香。到下午茶时段又点了个盐酥鲜鱿加鸡粒，配上喼汁及泰式辣酱，我更喜欢鲜鱿的口感，很Q弹，同伴又点了个大大只盐酥鸡髀，鸡脾嫩肉多汁，好饱足！最后点了个小食拼盆，有章鱼小丸子、薯角、鸡粒、鸡翼、台湾肠，劲丰富，食完直头捧住大胃走。唔讲唔知，原来呢度呢间餐厅已经开咗五年，食物价格相当平民，好抵食！