Beerliner German Bar & Restaurant (已結業)

同朋友抽咗两个钟波，打到肚饿。呢间以前食过，味道唔差而且环境好，又唔多人，就食返个豪华下午茶。『德式鲜菜沙律』($88)内有松子，红菜头，无花果同红洋葱夹生菜做底。汁酱和口感配撘得不错。『德式烧猪手配香肠拼盘』系推广套餐，$388 跟两杯啤酒或无酒精鸡尾酒。猪手好大只，烧得皮脆肉嫩，咸味恰到好处，仍然系呢度招牌。德国肠就白色𠮶只好食啲，质地紧实啲之余，又有浓厚嘅香草同香料味。红色𠮶只就稔啲，食落有啲似司华力肠。薯条同酸椰菜大路味道。饮品拣咗无酒精嘅『Vitamin C』，用香蕉，橙汁同糖浆调制。沙冰够冻够refreshing ，但糖浆味道似乎盖过咗香蕉同橙嘅味。