ULURU

营业中

休息中

呢间打着特色西餐嘅楼上舖，食物嘅质素好比一般嘅港式茶餐厅。午餐时段环境极之嘈杂，由于楼底低，噪音之大，好比在一间大酒楼内食午餐嘅感觉。枱与枱之间十分逼夹，本人的餐枱与墙之间嘅距离不足两尺，侍应在旁边不停走动送餐，全程直接影响客人嘅饮食体验。讲到食物质素，绝对与正式嘅西餐有天渊之别。卖相看似西餐，但实质与港式西餐分别不大，但价格相比之下却十分昂贵。首先餐汤系西兰花忌廉汤，但个汤一啲都唔热，亦唔够浓。餐包干如柴皮而无味。主菜系炆猪肉配炒饭，炒饭尚可以，但猪肉好似系煲汤肉一样, 干而且韧，绝对唔似系炆出嚟嘅，而且食得出旧肉本身系好咸，绝对唔似系炆嘅过程入到嘅味道。另一道主菜系四川风味海鲜意大利饭，结果同炆猪肉一样，都系十分之咸，咸到难以入口。理论上两道主菜嘅Sauce应该系唔同嘅，但好明显食得出两道主菜都系用同一个sauce，只系个意大利饭加咗啲辣椒落去，所以可以睇得出呢间所谓嘅西餐厅一啲都唔专业。最后order咗冻咖啡，但系好不幸，要吹咗三次，最终要20分钟先上，过程中侍应态度欠佳，而咖啡亦欠水准。总结，呢间系打着特式西餐旗号嘅劣质西餐厅，绝对唔值得帮衬。