周師傅點心 (已結業)

周师傅点心座落于深水埗北河街这个不显眼嘅地方，从个餐厅名就以为佢系一间好传统嘅老式点心店，入到去先发觉并唔系呢回事。铺面不大，但坐满了人，有老人家也有后生的。点心有传统嘅，亦有创意新派点心。传统嘅杞子桂花糕好香桂花味，好滑呢个打破传统嘅粒粒奶冻咖啡糕，咖啡味好香，夹杂著粒粒奶冻，多重嘅口感，感觉新奇又好味。脆皮马拉糕外脆内软，佢保持到传统马拉糕嘅松软同蛋香，但脆脆嘅外皮令口感有更丰富嘅层次一般嘅虾多士都炸得油立立，但周师傅呢个写明系非油炸虾多士，所以好干爽，芝麻味好香，虾胶好弹牙。XO酱炒萝白糕，萝白糕大大粒，XO酱好惹味，又唔会太辣， 配菜有好爽口芽菜同西芹，夹埋一齐食好好味。最后叫多个传统金银蒜蒸排骨，蒜蓉味好香，排骨蒸得啱啱好，好弹牙，肥膏又唔会太多，掂呀！唔饮茶嘅其实都可以拣汔水，奶茶柠茶之类，啱晒我地呢d怕饮热嘢嘅人。