影片
更多
2012-04-26
23 浏览
第一次写食评，平时食完都唔会写，今次真系食到间特色又好味既餐厅想俾个鼓励佢地！印度菜最出名既咖哩就食得多，尼泊尔菜大家有冇试过？团购 $118一位包加一，而且仲要任食两个半钟，连男友都话想试下，所以决定去试试特色既野食啦！早两日打去book，听电话既系尼泊尔人，佢讲英文，我讲中文，好好笑！之后佢听到个book字就比左老板娘听电话，可能因为book个日星期日，老板娘话要转头confirm客人再覆我有冇位，个日好快就豉我有位，而且星期日下昼仲打多次黎确认，服务好好！Noble Spice位于中环，因为好少去中环所以都揾左阵，楼上舖位，入口好细，而且电梯仲要岩岩整，包住胶纸，搭电梯个时心谂：死啦，会唔会中雷野呢？但一上到去就另一番风味！一开电梯就系一个好特别既招牌一推门就见到好多特色既香料粉，关上门之后背面就系异国风情既壁画入面其实大约得三十几个位，唔怪得老板娘要遂个confirm啦！入面个气氛都好好，吧台亦见得出佢地悉心设计过，真系好似去左外国既酒吧一样！台上有蜡烛，等樱花可以同男友烛光晚餐，其实每一台都有架，哈哈！上面亦有一张卡，一纸两面包括特色饮品一杯及任食印度烤饼樱花同男友分别要左芒
今次真系食到间特色又好味既餐厅想俾个鼓励佢地！
印度菜最出名既咖哩就食得多，尼泊尔菜大家有冇试过？
团购 $118一位包加一，而且仲要任食两个半钟，
连男友都话想试下，所以决定去试试特色既野食啦！
早两日打去book，听电话既系尼泊尔人，
佢讲英文，我讲中文，好好笑！
之后佢听到个book字就比左老板娘听电话，
可能因为book个日星期日，老板娘话要转头confirm客人再覆我有冇位，
个日好快就豉我有位，而且星期日下昼仲打多次黎确认，
服务好好！
Noble Spice位于中环，因为好少去中环所以都揾左阵，
楼上舖位，入口好细，而且电梯仲要岩岩整，包住胶纸，
搭电梯个时心谂：死啦，会唔会中雷野呢？
但一上到去就另一番风味！
一开电梯就系一个好特别既招牌
一推门就见到好多特色既香料粉，关上门之后背面就系异国风情既壁画入面其实大约得三十几个位，唔怪得老板娘要遂个confirm啦！
入面个气氛都好好，吧台亦见得出佢地悉心设计过，
真系好似去左外国既酒吧一样！
台上有蜡烛，等樱花可以同男友烛光晚餐，其实每一台都有架，哈哈！
上面亦有一张卡，一纸两面包括特色饮品一杯及任食印度烤饼
樱花同男友分别要左芒果酸奶同草莓酸奶，
烤饼亦有三种原味/ 牛油/ 蒜蓉烤饼，
最后我地要左蒜蓉烤饼，
饮品为老板娘亲自系吧台调制，好好味！
自助地方虽小，但食物种类都好多，而且老板娘定时会望下净几多，refill 速度好快，
唔惊冇野食或食物唔新鲜！
首先到达既系蒜蓉烤饼，刚刚整起既烤饼唔干唔硬，沾上咖哩汁，正！
之后樱花男友拎左餐汤，忌廉杂菜胡椒汤，胡椒味浓但不抢忌廉味既风头，
男友一共饮左两碗！
樱花每样拎少少试试味道，始终咖哩味就食得多，其他既真系未食过，好惊唔岩口味，
左至右、上至下介绍：
印度烩黄豆、玛莎菈黄豆 、辣味薯仔、免治羊肉咖哩
印式炒蛋、腰果咖哩鸡
必食之选↓
辣味薯仔：小小辣又唔硬，私心推介！
免治羊肉咖哩：羊肉好嫩又唔膻，咖哩唔会好重但香料十足
腰果咖哩鸡：鸡好嫩，入口唔会有雪藏味，咖哩比羊肉既浓，用黎沾烤饼一流！
左至右、上至下介绍：印式炒通菜、杂菜饼、炸鱼块、春卷
炸鱼饼、串烧鸡件
必食之选↓
印式炒通菜：味道适中，而且食得出好新鲜
炸鱼块：虽然系炸，但粉团唔多，一咬啖啖肉，最重要唔似m记鱼柳包既鱼柳咁假
食得到一旧旧既鱼柳肉同好滑，私心推介！
串烧鸡件：串烧香之余唔会干争争，而且仲有好香既香草味！
厕所虽小，但胜在够干净，而且入面仲有香氛烛台令你如厕都顺畅 d 呀，哈哈！老板娘都好好人，走时仲问我地野食好唔好，
$118 任食两个钟，野食仲要好有特色同好味，
真系值得一试！而且听到老板娘话个优惠做到五月尾架！
有兴趣不妨预约试下啦！
张贴
