後宮 (已結業)

今次系尖沙咀打边炉，食打边炉既系呢区好多选择，但拣左间系赫德道附近近地酒吧街既试试 。佢地除左打边炉，都有得唱K，如果又想打边炉又想唱埋K 就岩晒 ，但今次我地只系挂住食食食叫左个胡椒猪肚鸡锅佢个鸡汤好香浓，里面都有猪肚，未食之前已经饮左几磅汤同系咁食猪肚 。佢份鸡好大碟，应该系足足一只鸡，如果叫呢个，已经可以叫少一样了 。个汤越煲越香浓，胡椒慢慢越煲越出味，但又唔会辣 😋由于打边炉要等水滚先有得食，我地另外都叫左长沙臭豆腐同干葱捞面 。臭豆腐表面炸到劲干劲脆，加埋菜铺同芫茜🌿一齐食，超级滋味 。另外一个干葱捞面都出色，香浓入味，够干身，唔太油腻 。再叫左牛双并有牛颈脊同特级封门柳，2样都系厚切架 。牛颈脊只系滚几秒就食得，带少少脂肪，咬落软淋同爽口，封门柳食落牛味重d，一样滚几秒就可以，一样爽口 。佢地仲有其他牛部位可选 。双饺并盘分别有云吞同韭菜饺，双并佢仲可以选鱼皮饺添，小编个人比较喜欢韭菜饺，因为韭菜饺食到韭菜爽脆，皮够簿 。云吞大粒，馅料都满满 。今次一行二人，叫左唔系好多野都食唔晒d鸡，就知佢呢个胡椒猪肚鸡有几大份啦 。如果三五知己去食，相信问题不大，仲可以加好多𩠌添 。📍