沙田頭火鍋 (已結業)

好耐冇同朋友出去打边炉，知道旺角近砵兰街𠮶边有间打边炉好出名就去试吓，地铁站一出行5分钟就到非常方便，店舖有两层座位都宽敞，我哋坐喺近门口嘅位置，我哋点咗港式打边炉必点嘅菜式，汤底方便我哋点咗胡椒猪肚，汤底嘅味道非常鲜味，用嚟乱下个肚非常好，𩠌菜方面我哋嗌咗美国肥牛，响铃，炸云吞，鲩鱼，手打墨鱼滑，鱼片头，乌冬，仲有黑豚肉，肥牛同埋黑豚肉脂肪比例刚刚好唔会太过油腻，放落去大概30秒就食得，炸云吞炸得好香口唔会过火，而呢度嘅鲩鱼食落去好鲜甜，墨鱼滑爽口弹牙而且有唔同口味可以任你选择，个人推荐先饮汤底暖下个胃之后就可以食火锅配料，除此之外佢有时令海鲜会推介俾大家，但系我哋两个人实在夹唔到太多，下次有机会可以试吓呢度嘅海鲜，同埋记得预约过嚟，因为去到礼拜六日就会好多人要排队。