來發火鍋小館

营业中

休息中

来发系我近排最喜爱嘅打边炉餐厅，原因好简单，我俾嘅钱主要系花喺食物上面而唔系环境上面，咁当然餐厅嘅环境亦都坐得很舒服企理理干干净净 。而且又无限时任坐 。我食来食去都系佢哋嘅椰子鸡煲，石橄榄鸡煲，但系两个鸡煲都好好食，百食不厌 。睇得出佢哋啲鸡系有精心挑选过，有鸡味。虽然佢哋肉类方面唔系用啲好顶级嘅质素，但系套餐嚟讲咁嘅价钱咁既质地已经好对得住我哋呢啲嘅消费者 。丸类同滑类都好出色，好食！我每次都会食佢哋嘅煲仔饭，唔算好有饭焦，饭粒分明酱油调味好 。今次叫咗个白鳝煲仔饭，腊味都好食 。有段小插曲就系有个姐姐喺我同朋友们食到差唔多嘅时候过嚟收嘢，佢由左边枱执到右边枱，我地笔左几碗起泡既汤底 。唔知佢系咪嫌我地笔得太满 ，佢一路执一路自言自语，因为佢唔系即刻收走，最后碗汤唔小心倒左啲系朋友旁 。其实我地都好直接，倒泻左即刻处理左佢便好了，但佢又想解释 。下次呢啲咁危险既野尽快执左佢就好了 。千祈唔好喺度冉冉洋洋。呢段小插曲并唔会对我哋有影响，下次都会再嚟帮衬 。希望食物质素继续保持水准，而我又可以试更多唔同嘅汤底。