川婆婆 (寶勒巷) (已結業)

虽然天气好热，但朋友突然好想打边炉，又想食烧肉，同事听到就立即介绍咗我地黎”川婆婆串串火锅”，呢度火锅又得，烧肉又得🤘🏻四川风嘅餐厅，简约室内大排档feel，啱晒我地，无需过份拘谨🤣呢度任食放题100分钟，分A、B、C餐，包咗一碟好靓嘅牛肉， A、B餐仲有海鲜并盘(有小鲍鱼、圣子、扇贝、老虎大虾)。鸳鸯双并锅四川麻辣茶底火锅，辣度十足，加上淡淡嘅玫瑰花茶或桂花茶，辣得黎有阵阵茶香，够特别。养生菌王鸡汤 - 足料汤底，用上虫草花、姬松茸等材料熬制而成。好适合烚菜或海鲜，带出食材本身的鲜味。自助食材区有多款不同食物选择，除一般嘅菜、菌类、肥牛/羊肉片、肉丸、鱼皮饺，仲有牛栢业、鹅肠同好多自家腌制过嘅串烧，如牛肉芫茜串、鸡软骨、羊肉串、鱿鱼。部份以小铁笼型式摆放，部分以串烧型式1至2件的串起来，不论烧定滚，食起上黎都超方便。个人特别喜欢佢嘅牛肉同羊肉串，好有四川风味。整体食物质素甚高，食材新鲜，适合三五知己饮酒倾计嘅好地方。