影片
更多
2021-06-16
65 浏览
要數香港人一年四季都鍾意做嘅事，就非打邊爐莫屬喇。尤其而家多咗喺屋企，有咩好得過成家人圍爐烚嘢呢？咁講到打邊爐，丸就一定唔少得喇。之前食街邊賣嗰啲，成粒粉丸咁，食咗都唔知係乜，完全做唔到件事，俾我發現振興喺灣仔開咗間舖，即刻去入貨先！雖知振興最出名係牛丸，但係今日嘅邊爐腳咁啱唔食牛嘅，所以我就入咗幾款新穎嘢大家一齊分享先嚟呢個松露小籠包，你唔好以為佢真係一個包，佢其實好彈牙嘅魚丸，裡釀咗豬肉，仲有濃香嘅黑芝麻味，好特別。跟住芝士南瓜包心丸，勁受小朋友歡迎。咬落真係有香滑嘅奶味，唔怪得啲細路食唔停口。魚子丸係打邊爐必食嘅，呢度嘅魚子丸加咗芥末味，勁惹味，有少少辣辣哋哋，成件事即刻豐富哂！至於仿海膽包心丸，啲餡好多，一咬直情有爆汁feel。好滑喎，如果唔係佢上面寫咗個仿字，我以為佢真係海膽嚟架。最值得一讚嘅係所有丸堅彈牙，街邊買嗰啲粉丸完全無得比，值得一試！
雖知振興最出名係牛丸，但係今日嘅邊爐腳咁啱唔食牛嘅，所以我就入咗幾款新穎嘢大家一齊分享
先嚟呢個松露小籠包，你唔好以為佢真係一個包，佢其實好彈牙嘅魚丸，裡釀咗豬肉，仲有濃香嘅黑芝麻味，好特別。
跟住芝士南瓜包心丸，勁受小朋友歡迎。咬落真係有香滑嘅奶味，唔怪得啲細路食唔停口。
魚子丸係打邊爐必食嘅，呢度嘅魚子丸加咗芥末味，勁惹味，有少少辣辣哋哋，成件事即刻豐富哂！
至於仿海膽包心丸，啲餡好多，一咬直情有爆汁feel。好滑喎，如果唔係佢上面寫咗個仿字，我以為佢真係海膽嚟架。
最值得一讚嘅係所有丸堅彈牙，街邊買嗰啲粉丸完全無得比，值得一試！
张贴
