唐坊火鍋私房菜

🐻夏日依然热辣辣，🐻👨🏽打边炉既瘾都停不了。今晚揾左间地点就脚既唐坊食，系正旺角同油麻地交界，好方便食完返归。上到誉发广场23楼的唐坊火锅私房菜，入眼系大玻璃高处欣赏到旺角既景色，真系去左旺角咁多年都系第一次用咁个视野望。🐻👩🏻想食酸少少，点左个蕃茄薯仔牛牛锅，店员介绍可以先饮一碗汤先开始打边炉，饮落一股香浓蕃茄味，清香舒服，唔好睇小汤底既牛肉，食落好有肉味又唔柴口，真系深藏不露。口痕痕叫左个椒盐粟米，一上枱就好香椒盐味，粟米香甜多汁，椒盐好入味，打开哂🐻👨🏽既胃口。🐻打边炉点少得食牛肉，来碟顶级手切肥牛，烫几下入口牛味浓烈，口感嫩滑。韮菜饺拼蟹肉饺，外皮同馅料比例啱啱好，食到韮菜既甜同蟹肉既甜。🐻之后既手打虾滑，虾肉新鲜弹牙，味道鲜甜。食左咁多肉梗系食下素，蜂巢豆腐口感绵滑，台湾豆腐纸好浓豆味，食落系一种嫩滑既感觉，两种豆制品都好有质素。成餐边炉都系重质不重量，🐻👨🏽食完都好满意，开开心心咁返🐻居。