酒鍋 (天文臺道) (已結業)

两个人打边炉有边个唔想样样都食啲。现实就系全部一份份，多到食唔晒。有二人餐又唔同讲法。呢间都叫开业一段时间，座位又阔落，成个环境好轻松，好岩打边炉。全要二人餐 $388/位汤底系黄金美人，黄金鲜鸡汤里面有胡椒猪肚，再成碗花胶鲜鸡比你放入去。又鸡又胡椒猪肚，净系汤底都好多野食，系有诚意既汤底，而且饮完滋补又暖胃。黑毛和牛6片6片都系大大片，所以份量都唔少，爽嫩好食。二人海鲜拼盘拼盘已包括扇贝，蛏子，海虾，而是日海鲜系蚬，全部都好新鲜，海虾特别大只。唔够喉可以$268加细澳龙虾或波士顿龙虾一只。食完和牛同海鲜，会有蜂巢状又吸汤汁既招牌冻豆腐。仲有黑松露虾蟹饺、鱼皮饺、手打墨鱼丸同埋手打芝士虾丸每样两粒。丸、饺都系好饱满，一咬就啖啖肉。最后当然会有菜食下 - 什菜篮。打边炉有得饮下 mocktail，唔洗次次都汽水同竹蔗茅根。