渝人碼頭 (已結業)

打边炉真系要多人去先开心，终于约到几个老友同我一齐去食啦！！上次系facebxxk见到介绍呢间，约左两个礼拜终于齐人！地图望呢道有d远，但行落都只系离地铁站5分钟左右，都算易揾。多人有个好处，就系可以叫两个锅，隔离叫麻辣，我地就叫酸菜桂花鱼同松茸锅～酸菜鱼都辣辣地架，仲几多鱼肉食，店员提醒鱼肉要尽快食另外松茸就清清地，汤头都几好味。见到有黑毛猪就即刻叫，通常都唔会死错人，呢道既猪仲几好食添，应肥则肥，又唔会太漏。另外白鳝片都几抵食，唔会得几块，食落好爽口入味，炸豆皮好特别，鲜炸唔会林，又吸味！食咁多肉都要食d菜中和返，蔬菜拼盘都抵叫，＄78大大兜，款款都有d咁。食完仲有解辣沙冰送