影片
更多
2022-10-23
77 浏览
如果平时打边炉已经食到闷，咁就可以试下今次介绍依间《616牛肉火锅专门店》，最啱仲要食牛肉而又食得刁钻嘅朋友。店内提供数十种牛肉嘅部位，梗有一款啱你好味。第一步当然拣咗汤底先，鸳鸯锅就开始试晒两个汤底，拣咗一个辣一个唔辣，鸳鸯麻辣牛骨汤。第二部当然系拣牛肉，估唔到牛肉都分咁多个部位，决定乜都叫下先。安格斯横隔肌 颜色相对上较深色，脂肪比较少，薄切湪个10秒就可以食，牛肉味浓。熟成加拿大牛肩脊熟成牛肉嘅牛扒就食得多，用黎打边炉就真系新尝试。用左21日去熟成处理，油花呈大理石形状，口感会比较烟靭适中，肉味更加突出。吊龙伴吊龙伴其实就系肉眼扒外围嘅肉，因为系肉同筋膜中间，所以特别口感软腍，又多肉汁。牛驼峰必点！牛朴肉后端的颈背间的肉，对应水牛像骆驼峰的位置，间中带幼筋，油香肉味比例平均，属适合大众口味之选！可以话有油香同肉味都重，完美balance!滑尾龙尾龙就系牛嘅后腿肉，经常运动嘅部位，所以脂肪含量比较少，但系肉味就会好浓郁。中间打左一只生蛋，食之前先均匀搅拌，会令到口感更加幼滑，10秒左右就可以食。除此之外，配料食左鸭血同埋鲜制手打乌冬。鸭血食落都好爽口，用埋麻辣汤煮会更加入味。手打乌
第一步当然拣咗汤底先，鸳鸯锅就开始试晒两个汤底，拣咗一个辣一个唔辣，鸳鸯麻辣牛骨汤。
第二部当然系拣牛肉，估唔到牛肉都分咁多个部位，决定乜都叫下先。
安格斯横隔肌
颜色相对上较深色，脂肪比较少，薄切湪个10秒就可以食，牛肉味浓。
熟成加拿大牛肩脊
熟成牛肉嘅牛扒就食得多，用黎打边炉就真系新尝试。用左21日去熟成处理，油花呈大理石形状，口感会比较烟靭适中，肉味更加突出。
吊龙伴
吊龙伴其实就系肉眼扒外围嘅肉，因为系肉同筋膜中间，所以特别口感软腍，又多肉汁。
牛驼峰
必点！牛朴肉后端的颈背间的肉，对应水牛像骆驼峰的位置，间中带幼筋，油香肉味比例平均，属适合大众口味之选！可以话有油香同肉味都重，完美balance!
滑尾龙
尾龙就系牛嘅后腿肉，经常运动嘅部位，所以脂肪含量比较少，但系肉味就会好浓郁。
中间打左一只生蛋，食之前先均匀搅拌，会令到口感更加幼滑，10秒左右就可以食。
除此之外，配料食左鸭血同埋鲜制手打乌冬。鸭血食落都好爽口，用埋麻辣汤煮会更加入味。手打乌冬好幼细，口感会比出面嘅更加爽口。
饮品一定要试下自家制乌梅汁同埋菊花桂圆露。乌梅汁酸酸甜甜，而菊花桂圆就好甘香，食完牛肉再饮番啖会好清新。
如果唔想错过其他好介绍，记得follow我呀😘
多谢大家！！！
`
张贴
