潮州鹵漢大飯店 (已結業)

潮州鹵漢大飯店環境非常有懷舊氣氛，紅色枱櫈裝修，空間舒適又廣闊，打邊爐嘅好地方❤️調味醬料🧂餐廳有個超級大嘅調味區，擺放晒各式各樣唔同嘅調味，可以調配出自己最鍾意嘅味道。肉類篇🥩火鍋店肉類選擇都好多，包括安格斯牛頸、羊肉、黑豚肉、安格斯肥牛等等。最鍾意食佢哋嘅安格斯肥牛同安格斯牛頸，牛肉味道超香濃，加上肉質口感非常之好。湯底篇🥘清雞湯鍋，雞湯味好清香，味道唔會太重口味，好有食材鮮味。海鮮篇🦞手搖海鮮袋有三種味比人揀( 蒜蓉味，醬油漬，麻辣 )，我就揀左蒜蓉味，超入味！海鮮袋入面有龍蝦/鮑魚/帶子/東風螺/各種蔬菜等等，各樣海鮮都好新鮮，鮮味之餘仲大大隻，非常好味😋小食🐷小食選擇都好多，潮汕招牌菜麻辣豬手係必食嘅🤤