老闆火鍋冰室

营业中

休息中

打风唔成又落雨，天气凉凉地，就想去打边炉🤣途经啲餐厅见到有间老板火锅冰室，于是就入去试下☺️呢度啲装修有啲怀旧feel，似六七十年代，整体来讲几舒适企理！我哋叫咗一个清汤锅，入边有豆腐，菇，大白菜，相对比较清甜！雪花肥牛（小）牛肉肥瘦均匀，入口甘香回味，点少少蒜蓉辣椒豉油，味道一流芝士牛丸手打嘅牛丸入边包住芝士，咬落去爽口弹牙鱼皮饺正正常常，不过不失🤣黑豚肉博切嘅黑豚肉，望上去好似有少少肥，但系滚熟之后， 十分有嚼口，而且一啲都唔肥腻，味道不错👍🏻脆肉鲩片爽口弹牙皇帝菜&油麦菜啲菜配埋清汤好鲜甜脆炸鱼皮正确来讲佢系咸蛋黄脆炸鱼皮，一上枱咸蛋黄嘅香气已经扑鼻而来，咬落去脆卜卜，非常野味老板水果茶超大嘅一杯！完全可以两个人饮！味道好fresh，淡淡茶香配搭住多款生果，好啱打边炉叫黎饮整体来讲，不过不失，有机会都会再去试吓佢其他嘅嘢食。