渝人碼頭 (已結業)

夜晚喺金钟和同事做完嘢，正在烦恼去边度食饭嘅时候，佢居然想起有间店系附近，有靓汤饮，行咗几分钟，停咗喺一家火锅店前，就去吃啦!由佢朋友发板，叫咗个鸳鸯锅，一边系小辣重庆麻辣锅，一边系虫茸窝。开餐前先饮碗虫茸汤，清清地，几鲜甜，够菇味，D菇煲完汤都仲几好味，冇介绍错。菜单上推荐 "码头三宝"，有鹅肠，黄喉，牛柏叶，虽然唔知同码头有乜关系，但简单灼一灼就食得，相当爽脆有咬口叫咗碟爽滑牛肉，放咗落去辣𠮶边，虽然order小辣，原来比一般的辣度高，但辣得来真的鲜香，不用点任何酱料。但蔬菜就唔敢放落辣这一边了，放系松茸个边。韭菜饺也相当足料，皮薄馅靓，十分足料。重有自家制炸豆皮，要煮淋D 至好食，放系麻辣个边，巧辣!食辣嘢当然要饮啲啤酒，呢处有手工啤，叫'鬼佬'，带果香，泡沫细滑，相当好味。最后再点多咗个南瓜饼做甜品，外脆内软，够南瓜味，仲有红豆馅料，甜而不漏，相当解辣。满足的一餐。