影片
更多
2020-04-08
148 浏览
呢一间火锅店已在西环开业多年，一直都不乏捧场客。即使而家新型肺炎肆虐全城，餐厅都有唔少客人黎打边炉。不论任何时候，香港人都咁喜爱恰下恰下。一坐低，侍应生就递上两碗暖入心嘅红枣雪耳糖水，甜丝丝的好滋润。汤底系以人头费计算，一位收费$38，一个汤底同埋鸳鸯汤底收费一样，我地唔想食辣所以拣左大骨汤。汤底呈奶白色，不但有阵阵香浓嘅猪骨味，仲有浓厚嘅骨胶原，美味又养生。汤底仲加入左红萝卜、粟米同红枣，令汤味更鲜甜。呢度嘅好处系所有食材都可以点半份，啱晒情侣两个人黎食，半份份量啱啱好，每样事少少可以试多几款唔同嘅食物！手打墨鱼滑($46）超级爽口弹牙，一定要试。美国安格斯优质肥牛($118) 百几蚊得几片，而且牛肉切得好厚，咬落口感有点老，质素实在麻麻哋。特色迷你燕饺($32)同埋鲜竹笙($32) 燕皮系用鱼肉打成嘅咬落鲜味弹牙，口感特别。竹笙吸哂汤汁嘅精华，好好味。重庆炸酥肉($32)食落舌头感觉麻麻痹痹几过瘾；猪肉条炸到酥脆香软，食到停唔到口！功夫莴笋片($22) 莴笋唔系好多地方有得食，呢个莴笋切到好薄，而且摆到成棵花咁非常有心思，难怪叫做功夫莴笋片！嫩牛肉($42)同埋蟹柳($32) 牛肉
汤底系以人头费计算，一位收费$38，一个汤底同埋鸳鸯汤底收费一样，我地唔想食辣所以拣左大骨汤。汤底呈奶白色，不但有阵阵香浓嘅猪骨味，仲有浓厚嘅骨胶原，美味又养生。汤底仲加入左红萝卜、粟米同红枣，令汤味更鲜甜。
呢度嘅好处系所有食材都可以点半份，啱晒情侣两个人黎食，半份份量啱啱好，每样事少少可以试多几款唔同嘅食物！手打墨鱼滑($46）超级爽口弹牙，一定要试。
美国安格斯优质肥牛($118) 百几蚊得几片，而且牛肉切得好厚，咬落口感有点老，质素实在麻麻哋。
特色迷你燕饺($32)同埋鲜竹笙($32) 燕皮系用鱼肉打成嘅咬落鲜味弹牙，口感特别。竹笙吸哂汤汁嘅精华，好好味。
重庆炸酥肉($32)食落舌头感觉麻麻痹痹几过瘾；猪肉条炸到酥脆香软，食到停唔到口！
功夫莴笋片($22) 莴笋唔系好多地方有得食，呢个莴笋切到好薄，而且摆到成棵花咁非常有心思，难怪叫做功夫莴笋片！
嫩牛肉($42)同埋蟹柳($32) 牛肉食落真系好嫩滑，我觉得比起肥牛更加好味同抵食！
一份油麦菜，非常新鲜，滚一滚就食得，小心煮得太耐会冇咗爽口嘅口感。
张贴
