醉胡爐 (已搬遷) 新店位置

行开婚纱街，见到𠲖间舖头装修好靓，忍吾住去望望，觉得环境同嘢食都好正！于是拉埋屋企人入去食！决定大战醉火锅！边个话火炉净系滚滚下，呢间舖头话比我知火锅都可以有噱头。我哋叫左卜卜蚬鲜蟹锅，侍应会即场煮蚬同蟹，香气十足，然后倒啲酒，令到𠮶锅火焰十足，我同屋企人都哗一声，非常有噱头。而且侍应仲好好人，会提醒我哋几时食得！服务态度令人满意！呢间舖头出名食牛，安格斯手切肥牛真心好食！肉质嫩滑，脂肪适中，又有浓浓牛香味！胡炉牛拼盘仲正，满足晒所有人嘅愿望，无论牛脷定雪花和牛，都非常好食！够晒滑口！一试难忘！手打芝心牛丸，完全系出乎我意料，系鲜牛肉打成，口感弹牙，而且有牛肉余香，更特别系咬落去，芝士立即系口腔四溅，令到牛丸味道更加突出！紫菜炸响铃好正！原来夹埋紫菜，味道层次更丰富，听舖头讲系即叫即炸，所以先keep住脆口，仲要系炸几次，吾怪得甘好食啦！蔬菜拼盘仲好新鲜，仲有埋西洋菜！手工水饺馅料新鲜，食落肉质滑口，好味！基围虾好新鲜，肉质仲弹牙！鱼面索晒汤底，好味！