影片
更多
2018-01-04
45 浏览
呢排天气咁冻，除咗假日去烧烤之外，最适合就系打边炉啦。咁岩今日约咗一个好耐冇见嘅朋友一齐食饭，大家都谂唔到食咩嘅时候，于是就谂到打边炉啦。同埋大家都好耐无一齐打边炉！于是就揾去旺角附近有边间好食嘅火锅店。但系我哋又唔想去酒楼入边打边炉，因为酒楼入边多数嘅质素都一般般，食物嘅质素冇咁新鲜。于是我哋就行左内街入边，揾到一间叫做滚喜火锅。净系你个名都觉得似乎几吸引，于是就行咗入去试试。系未等到朋友嚟嘅时候，我已经急不及待地叫咗一个鸳鸯火锅，分别系秘制麻辣汤火锅，同埋香茜皮蛋锅。而餐厅员工动作都非常之快，喺未等到朋友嚟嘅时候，佢已经成锅上枱了。煲咗一阵，啲汤底就滚晒啦，于是我就急不及待地睇餐单上嘅嘢食。餐单上嘅食物选择非常之多，有海鲜类，小食类，牛类，自家手工制，粉面，菇菌类等等。一样适合钟意食肉，或者净系食斋嘅人士。我就分别叫咗花胶筒，招牌炸响铃，爽滑猪颈肉，蒙古羊肉卷，蜂巢豆腐，娃娃菜同手打牛筋丸。饮品方面就叫咗竹蔗茅根。汤底滚起左之后，闻到味道非常之浓郁，勺一啖黎饮，都觉得非常之鲜味。而另外酱汁配料方面佢都系俾我哋调教自己喜欢嘅份量。花胶筒嘅份量都非常之多，而且咬口十分爽脆，每一块都非常
于是就揾去旺角附近有边间好食嘅火锅店。但系我哋又唔想去酒楼入边打边炉，因为酒楼入边多数嘅质素都一般般，食物嘅质素冇咁新鲜。于是我哋就行左内街入边，揾到一间叫做滚喜火锅。净系你个名都觉得似乎几吸引，于是就行咗入去试试。
系未等到朋友嚟嘅时候，我已经急不及待地叫咗一个鸳鸯火锅，分别系秘制麻辣汤火锅，同埋香茜皮蛋锅。而餐厅员工动作都非常之快，喺未等到朋友嚟嘅时候，佢已经成锅上枱了。煲咗一阵，啲汤底就滚晒啦，于是我就急不及待地睇餐单上嘅嘢食。
餐单上嘅食物选择非常之多，有海鲜类，小食类，牛类，自家手工制，粉面，菇菌类等等。一样适合钟意食肉，或者净系食斋嘅人士。我就分别叫咗花胶筒，招牌炸响铃，爽滑猪颈肉，蒙古羊肉卷，蜂巢豆腐，娃娃菜同手打牛筋丸。饮品方面就叫咗竹蔗茅根。
汤底滚起左之后，闻到味道非常之浓郁，勺一啖黎饮，都觉得非常之鲜味。而另外酱汁配料方面佢都系俾我哋调教自己喜欢嘅份量。花胶筒嘅份量都非常之多，而且咬口十分爽脆，每一块都非常之大块。
值得一赞嘅系蒙古羊肉卷，呢度嘅羊肉唔会有好大浸骚味，但肉味非常之浓郁，呢啲天气食真系非常之暖胃。而羊肉都伴随着少少脂肪，所以食落都觉得好甘香。另外蜂巢豆腐都系我嘅最爱，摆落啲汤底度，滚一阵间，就会吸收晒汤底嘅精华，咬落去非常之多汁入味。而猪颈肉，望落去卖相都非常之吸引，脂肪分布平均，而且十分新鲜，厚薄适中，滚完之后都唔会非常之难咬。炸响铃都一定系必叫嘅嘢食，因为呢度既炸响玲每一条都脆卜卜，而且份量非常之够，两个人食仲有啲嫌多添。
而系啲汤底入面，入边嘅皮蛋份量非常之足料。餐厅环境方面都非常之宽敞，一个个卡位适合三五知己一齐打边炉聚会。所以呢间我都一定会再推荐朋友嚟食！
张贴
