新南苑私房菜火鍋鷄煲 (華僑商業中心) (已搬遷) 新店位置

今日同大胃王朋友去咗食鸡煲海鲜打边炉放题。地址就喺旺角，一出地铁站就到，相当便利。当我地去到嘅时候，餐厅已经坐满左七八成，后来都全场爆满，相信都应该几好食。朋友推荐我哋食呢个放题，因为每人大概+1之后$300 ，又可以任食鸡煲，仲有一个几澎湃嘅海鲜拼盘，海鲜拼盘就真系几精彩。每人有半只开边龙虾，一上枱嘅时候，我哋已经哗哗声，因为真系好大只，而且龙虾都算几新鲜，仲要啖啖肉。海鲜拼盘系唔可以任叫嘅，不过海虾同其他火锅配料、菜......就可以呢任点任食。汤底选择都好多，都差唔多有七八款汤底可以拣，其实食完鸡煲，再食埋海鲜， 一个女仔嘅份量已经觉得相当饱。饮品方面，都系多元化嘅饮料，而且种类都好多，最窝心既系有自家制既五花茶，可清热解暑。买单嘅时候，侍应就会送上奶冻，有甜品食梗系开心啦，作为一个完美嘅句号。