火鍋煮場 (已結業)

今晚打边炉全因有个Friend早两个星期喺呢度开咗个啤酒Plan饮唔晒，我话你小心比人呃，佢话首先$100一百支啤酒，可以两个月内用，单叫一支都三十几蚊啦，而且以前都试过，所以今日就大家去帮手饮吓，佢仲话上次4个人饮了8支已经好劲。好啦，去啦，坐低未齐人于是叫住小食饮住啤酒先，开Plan个Friend都未到，不过原来讲佢个电话号码已经可以饮佢D啤酒，咁我下次识Do喇。我自己比较钟意呢3只。小食就叫了鱼片头、炸鸡软骨同埋炸虾饼。三样之中炸虾饼最好食。终于齐人打边炉，见个鱼缸D象拔蚌好新鲜，所以先来一个象拔蚌刺身，真系又爽口又鲜甜。牛肉就拣了牛颈脊同牛白肉，牛颈脊的脂肪相对多D，反而无咁un仲好食D，同埋D牛味都算浓。牛白肉切到好薄，渌两渌就食得，好爽口。碟鳝片都好靓好新鲜，D伙记话今日啱啱返所以真系好新鲜。个紫菜响铃系即叫即炸嘅，就咁食同落汤滚一滚都得。呢度嘅韭菜饺系自己包的，味道都唔错。鲮鱼滑都算新鲜而且够弹口。黑柏叶唔系成日有所以都叫一碟食下，都几新鲜，真系唔错。