滾得棧 (已結業)

平时食开嘅鸡煲都好浓味热气啲，但今次去到滚得栈呢个八宝袋鸡煲好补又养生呢！店员倒上熬左好耐嘅鸡汤，边倒边散发鸡汤嘅香气，真系令人流晒口水！等佢滚左就可以食内里嘅宝物～有松茸、竹笙、虫草花同埋半只鸡，超丰富呢！腐竹好薄滑，金华火腿味好出～愈煲愈浓香！牛颈脊涮一阵就食得，牛味愈嚼愈香。另外我更爱肉眼筋，筋位好爽口！佢地嘅饺子都好特别，好似梅菜猪肉饺咁～里头嘅馅真系十足十食紧梅菜猪肉饼咁！丸类嗌左象拔蚌丸、黑椒鲜牛丸，象拔蚌丸口感几似墨鱼丸，但好少见到火锅店有，所以嗌嚟试下都唔错嘅！黑椒鲜牛丸有令我几惊喜，一咬几juicy再加埋黑椒味几过瘾～海鲜点左珊瑚蚌，好爽脆～唔少得一啲边炉必点嘅吸汤神器，枝竹啊金菇都系每次打边炉都会点的项目呢！