相馬日式火鍋 (已結業)

呢几日喉咙有少少唔舒服 本身约咗朋友打边炉 又唔好意思推 所以就照去 不过朋友好好 肯就我拣个清啲嘅汤底 本身都担心清汤会好淡冇味 不过好彩呢道嘅清汤清得嚟有味 放咗啲料入去等汤滚起之后 都好入味 唔重口味嘅我直情唔洗点汁食都够味 因为我同朋友都系食肉兽 同埋为咗唔蚀 所以我哋嘅边炉策略系疯狂叫肉食 我哋两个都唔好猪 所以就冇嗌嚟食 主打食牛同鸡 牛嘅质素都中规中矩 反而对于个鸡好有惊喜 本身以为都系𠮶啲普通斩件鸡块 点知上到枱 每嚿鸡都好足秤好大旧好滑 似系鸡脾𠮶啲部位 绝对唔系比啲甩头甩骨嘅部位 食下食下 我谂个自一个人都啪咗至少两碟鸡 下次等我好返啲 就再嚟挑战其他汤底