倫哥火鍋私房菜 (已結業)

近日天气寒冷，最好梗系去食鸡煲或打边炉啦，今日约咗朋友去元朗「伦哥尊尚火锅私房菜」打边炉食鸡煲，一次过满足晒两个愿望，正呀！首先有前菜，十分醒胃，仲有花菇鲍鱼，炆得十分入味，口感烟韧弹牙！ 抵食$288任食鸡煲火锅放题， 主要有鸡+ 海鲜盘+一份牛颈脊+一份墨鱼&虾滑等等，十分丰富，好抵呀！鸡煲仲可以自选辣度，鸡件嫩滑，配上大量芫茜、蒜头&洋葱等等，超级惹味，鸡煲劲香劲惹味， 胡椒&辣椒份量味恰到好处， 唔太辣，好啱我，鸡件仲可以无限追加添！食完鸡煲就可以打边炉，我叫咗《北海道3.6牛乳猪骨汤》，汤底以3.6牛乳&猪骨整制成，肉味浓郁， 味道香滑有奶味， 正呀！ 海鲜拼盘，非常丰富， 有带子、海虾、广岛蚝，龙趸等等。 厚切龙趸斑片，入口甜美，口感弹牙， 鱼味十足，仲可以encore 添！ 美食之选《牛颈脊》，油花分布平均，牛味香味， 肉质嫩滑，切成薄片， 灼一阵就食得啦！ 仲有《墨汁墨鱼滑》&《花枝虾滑》，我都好喜欢，超爽口超弹牙，好食。当然有其他火锅配料都好唔错，种类好多，有丸类、云吞水饺、响铃、猪肉片& 蔬菜类别等等。 当然有嘢饮任饮啦！