火鍋煮場 (已結業)

今晚嚟呢间火锅店打边炉皆因有个friend之前嚟咗开咗个100蚊100支嘅啤酒Plan所以就叫我哋嚟帮手，我哋梗系义不容辞啦，不过今晚我哋都只系饮咗十几支，仲有七十几支，好彩仲有个几月时间可以再嚟帮衬继续努力饮。全部都系德国啤酒，味道唔错，我就钟意右手边深啡色𠮶只麦啤，我啲friend就话左手边白色𠮶只都唔错。啤酒悭咗唔少钱所以今晚火锅都几豪，一开始已经叫咗个龙虾刺身， $880都几大只，睇住佢喺鱼缸攞出嚟好新鲜。另外又叫咗鲍鱼，$68一只，都系喺鱼缸新鲜攞出嚟。海鲜方面我哋仲叫咗个白鳝片同广岛蚝，佢整体啲料都几新鲜。叫咗个牛伯肉口感唔错，渌一阵就食得，好爽口。呢度嘅西班牙黑毛猪柳粒又估唔到都几好食，有机会真系要试吓。脆炸午餐肉可以当火锅料又可以当小食，其实就系将午餐肉切条再炸，胜在即叫即炸而且又唔系好多油。呢间嘢嘅自家制手打墨鱼丸都几好食，识到墨鱼味而且弹牙。羊肉片都几新鲜。