煲底海鮮火鍋料理 (已結業)

今晚约朋友去尖沙咀嘅锅底海鲜火锅料理打边炉，餐厅充满Mirror 应援物，因为朋友钟意Mirror，而且餐厅而家紧九折，于是便去试吓。我哋叫左竹笙花胶冬瓜盅锅、潮牛（小）、爆汁四宝丸、花样油条、自家制黑松露带子汤包（半份）及墨鱼韭菜饺（半份），仲有叫左紫贝天癸来饮。竹笙花胶冬瓜盅锅这个锅都系不得了，非常足料，有竹笙、花胶、半只鸡、素翅、冬瓜、姬松茸及杞子等，汤非常浓郁，浓浓鸡汤，鲜甜好饮，我哋都忍唔到饮左两碗。花样油条油条酿着虾胶，炸到脆卜卜，就甘食已经好好食，摆落汤到涮一涮，又有另一番风味。潮牛（小）潮牛脂肪分布均匀，牛肉味浓，非常之好食！自家制黑松露带子汤包（半份）皮薄馅靓，汤包充满黑松露味，配上带子非常之夹，好食！墨鱼韭菜饺（半份）饺子内有满满的韭菜新鲜爽脆，配上墨鱼，不错。爆汁四宝丸每种丸都有独特嘅馅料，同丸本身非常之夹，而且咬落去都会爆汁，食嘅时候要小心。紫贝天癸打边炉嘅最佳拍档，酸酸甜甜，又可以清热，又可以帮助消化。P.S. 佢哋酱料都很特别，如XO酱、麻辣酱等，用来点打边炉嘅食材，有画龙点睛之效。