阿來客棧雞煲火鍋 (已結業)

餐厅位于铜锣湾渣甸街嘅一幢新大厦渣甸中心25楼，听闻系由来来鸡煲嘅原班人马主理，餐厅环境舒适濶落，加上抽风系统精神，系一间坐得好舒服嘅鸡煲餐厅。蓝妹，打鸡煲，饮啤酒，系定劣嚟。椒盐粟米，椒盐粟米放上枱已经香气四溢，面头椒盐做得香脆干身，而且一啲都唔油腻，味道惹味，十分开胃。脆炸午餐肉半份，脆炸午餐肉紧随其后，午餐肉炸脆之后嘅吸引程度无庸置疑，净食又得，打鸡煲亦得。鸡煲半只，辣度拣咗中辣，我觉得个辣度大约等于谭仔嘅中辣同大辣之间，嗜辣嘅我辣得相当过瘾， 鸡肉嫩滑，令人十分享受。老油条半份，唔系咁多打鸡煲有得嗌嘅油炸鬼，见到餐牌有当然试试，掉完落鸡煲之后都依然脆身，赞。薯粉半份，薯粉索尽鸡煲嘅精华，打鸡煲，落薯粉，都系定劣嚟。油麦菜半份，油麦菜非常新鲜，直情系刺身级，食份菜作结，感觉健康。