品川日本料理 (已結業)

好彩系今日打风姐，寻日就去咗荃湾海之恋三楼嘅品川食日本放题 ，好好劲食一番。先拔头筹嘅当然就系刺身， 款式同选择都同出面一般嘅放题差不多。 本人至爱嘅三文鱼都合格有余。 另外啲甜虾都好大只，都算鲜甜 。之后就要食我钟意嘅寿司 。寿司每件都细细的，食多几件都唔怕。要赞嘅就系个黑松露寿司，虽然系放题但系都有一定嘅质素 。然之后就系到烧物。 本人最爱嘅就系烧菠萝 ，酸酸甜甜可以消滞之余 ，又可以减低罪恶感 。值得推介嘅就系个芝麻鸡翼， 即叫即炸， 热辣辣肉质鲜嫩 。另外一款我推介嘅就系牛舌， 厚薄度刚好，没有骚味， 点少少柠檬汁已经好好味。 个吉列炸蚝都做得很不错 ，唔系一味得厚厚嘅炸粉 。同场加映最特别嘅就系拖肥味嘅可乐同朱古力味嘅可乐。 味道如何卖个关子， 鼓励读者们自己亲身去试下啦。总括嚟讲 ，二百几蚊一个人嘅放题，品质已经算中上 。人多嘅话可以坐喺落地玻璃位置，可以饱览荃湾嘅海景。 同三五知己丧食一番，倾计吹水，别有一番风味。