上海姥姥 (荃灣廣場)

营业中

休息中

打风后第二日星期日9月3号中午，屋企人话出去食晏，咁就拣间就脚ga啦！入到去，拎杯茶水黎，有条杂色狗毛系水面，我心谂最多可以成餐唔饮茶，咁就点左排骨上海面加云吞，素鹅，湿湿地补返。一开始黎左两粒云吞，其中一粒有胶片，我已经觉得好火，但系fine，我见过出面其他餐厅有铁丝，我忍，大粒胶片食唔死人。之后第二碟黎素鹅，我咬几啖，发现唔对路，仲咸过腊肠，之后只好吐返出黎，好似腌制多两日嘅食材都照比人食咁，好彩退得到。最后黎个排骨面，真心要打大佬咁，咸到真系腌过火，块猪扒腌到入面干到冇汁，仲要又咸到差d金华火腿咁，我放入汤度浸10几分钟，为左环保先顶硬上，三行硬汉子挨饭盒赶开工咁，如果唔系星期日政府机构唔开，一早打消费者权益委会电话告呢间餐厅！比地狱还地狱嘅地方。