二家姐正宗原味麻辣火鍋

营业中

休息中

朋友生日，一行13人去食二家姐，本身book咗间房最低消费$2800，但系其实根本唔够13个人坐，郁吓只手都顶住晒，明明有房空出嚟问吓佢可唔可以转，佢就话如果转房要$5000消费，咁已经好冇瘾喇，我都算！每次入嚟放低D嘢食都要行开先比到个位佢上菜，都唔紧要！讲真嘢食其实都可以嘅，我啲朋友话啲牛肉好好食㗎，不过服务质素真系要负80分，首先又一话唔转$5000𠮶间房就已经黑面，落嘢食系咁漏单，明明冇客上菜都好慢，最好笑系1点赶我地走扮灭虫，其实因为得返我哋一台客，全场佢得一个员工喺度等我哋走，所以求其噏扮晒灭虫，book 果阵明明话3点先闩门！最后食左$5300，食物质素OK！员工服务完全唔OK！每人都要四旧几水，其实都有好多其他选择。