影片
更多
2015-11-09
704 浏览
一盅饭加两个点心都只系 HKD30 蚊，真系好鬼平㖞﹗豉椒排骨饭、干蒸烧卖、四宝鸡扎，一盅两件都只系 HKD30，一分钱一分货啦，以依个咁低价钱提供既质量算合格喇，唔难食。日日都经过，今日终于试佢一试喇。以依个大众化价钱黎讲质量都合格架喇服务员阿姐真系太过求其㖞，大大力掉四宝鸡扎落个盒度搞到爆开烂晒喇﹗温柔啲好㖞！如果我唔要求饭跟点心分盒装，佢仲打算倒晒两碟点心系饭上面一齐包添，救命﹗咁咪搞到个饭又湿又油！味道打晒交，捞埋晒一齐，哼！无汁点心可放同一盒，但点心一定唔可以同饭包埋一齐啰！埋葬系啲饭度咩！四宝鸡扎，开呀﹗其实正确食发系一啖咬落去，并唔系拆开食架呢，您食汉堡包会唔会青瓜、鸡蛋、蕃茄、牛肉抽出黎续样食呢？咁就唔系汉堡包、唔系四宝鸡扎啦！精髓就系要一啖有齐四种质感、四种味道。腐皮卷住猪肚、鸡柳、芋头，仲有疑似鱼肚又似猪皮既物体﹗即刻试试先，块野好爽口㖞，仲有点油益味，唉﹗好一块披著腐皮的猪，扮鱼肚既猪皮，我好钟意食软棉棉、滑溜溜，鲜甜味美既鱼肚架﹗唔系依块猪皮啰，虽则明白生意难做，价钱挣几倍呢。 等价交换，可以卖得咁平都可以理解既。腐皮有点干韧，猪肚爽弹而不苦涩，鸡柳雪白味浓弹弹
一盅饭加两个点心都只系 HKD30 蚊，真系好鬼平㖞﹗豉椒排骨饭、干蒸烧卖、四宝鸡扎，一盅两件都只系 HKD30，一分钱一分货啦，以依个咁低价钱提供既质量算合格喇，唔难食。日日都经过，今日终于试佢一试喇。以依个大众化价钱黎讲质量都合格架喇
服务员阿姐真系太过求其㖞，大大力掉四宝鸡扎落个盒度搞到爆开烂晒喇﹗温柔啲好㖞！如果我唔要求饭跟点心分盒装，佢仲打算倒晒两碟点心系饭上面一齐包添，救命﹗咁咪搞到个饭又湿又油！味道打晒交，捞埋晒一齐，哼！无汁点心可放同一盒，但点心一定唔可以同饭包埋一齐啰！埋葬系啲饭度咩！
四宝鸡扎，开呀﹗其实正确食发系一啖咬落去，并唔系拆开食架呢，您食汉堡包会唔会青瓜、鸡蛋、蕃茄、牛肉抽出黎续样食呢？咁就唔系汉堡包、唔系四宝鸡扎啦！精髓就系要一啖有齐四种质感、四种味道。腐皮卷住猪肚、鸡柳、芋头，仲有疑似鱼肚又似猪皮既物体﹗即刻试试先，块野好爽口㖞，仲有点油益味，唉﹗
好一块披著腐皮的猪，扮鱼肚既猪皮，我好钟意食软棉棉、滑溜溜，鲜甜味美既鱼肚架﹗唔系依块猪皮啰，虽则明白生意难做，价钱挣几倍呢。 等价交换，可以卖得咁平都可以理解既。腐皮有点干韧，猪肚爽弹而不苦涩，鸡柳雪白味浓弹弹的。我唔食芋头架，多谢晒。
干蒸烧卖，大旧就够晒大旧啦，但咬落口感松散，仲食到成口油添 ﹗味道都算可以，有点点猪肉味，感觉非常油腻。点解我食唔到有虾既？留心睇一睇，好多肥猪肉呀！难怪一口油，唔系咁搞笑谂住扮虾麻？面头撒上一堆无味咸蛋黄粒作点缀，蒸到过晒火，湿淋淋又黏口，整体味道还可以既。唔系讲笑，肥猪肉真系多得很﹗
潮洲粉果，哗﹗层皮劲厚，易饱肚？哗！好油呀，口感会滑一点？馅得好少，得一笃仔，仲劲重芹菜味。我由细到大都食唔到芹菜架，觉得好嗅想反胃。依家成粒啪左入口，唯有格硬忍住，成旧吞落肚啰，剩返两旧只好掉落垃圾桶。
鲜竹卷，好味㖞！酱汁香浓，腐皮滑而咽韧，一咬爆汁，正！
豉椒排骨饭，真系 HKD20 蚊盅？好平㖞﹗味道又唔系差，可以讲得上系满意添。饭就够晒多喇，饭粒够香又唔系太湿太腍，合格。饭粒蒸得够咽韧干爽，饭香扑鼻，欣赏。但系排骨比例就似乎少左啲，排骨不太肥而且腌得入味香甜，好味噃！排骨骨多、肥膏多而肉少，肉质较为硬身，但猪肉香甜，味道又满意噃。甜豉油清香又唔系太呛又无过咸，层次就略为逊色，单调了一点点，唔会有令人越食越想食既感觉 ﹗豉椒排骨饭都算平靓正，唔挂得咁多食客排队啦。上水最好食既排骨饭系边间呀？点盅王？马仔记？荣发？
咸鱼肉饼饭，居然系梅香！梅香您近来好麻？好多年无见喇！依家已经好少撞到食肆会用梅香咸鱼，难得。就算我舖头都只系用普通硬咸鱼乍，因师傅坚持无办法。梅香咸鱼捞饭最正，因为够霉够腍，彷如鱼肉酱一样包住饭粒，可以捞得均匀，每一啖都尝到咸鱼梅香。咸香独特，混上甜豉油再跟猪肉融合跳进口中，肉香鱼香加清甜甜豉油、肉弹鱼浆饭咽韧，那里有得弹？好味！
其实见 menu 都唔系太多选择，蒸饭约有五六样啦，点心又系五六样啰。做食肆生意当然款式越少越好，成本易控制、损耗易控制、质量易控制麻，咪好似日式拉面名店咁，只卖一款汤面，独孤一味！
张贴
