九份•十分 (已結業)

呢间台湾菜开左入上水都一段时间，终于得闲试试佢😋一入门见到餐厅比想像中大好多，平日夜晚八点都有八成满，生意相当不错!菜单选择好多, 望落有台式菜例如盐酥鸡、肉躁饭等等，但同时又有小炒菜式。花多眼乱，点菜都拣左好耐先决定到啊😃点左台湾招牌小食盐酥三兄弟，份量不少，旁边仲有多种调味料可以自由调味，好好玩😃另外点左碟基隆虾酱炒河粉，味道咸香惹味，都几特别！重点系份量超级大，侍应一放落台简直吓左一跳，性价比好高！壳蟹手抓饼的咖哩汁做得不错👍🏼好有南洋风味。另外点了一份晚餐set，盐酥鸡香肠肉躁饭连饮品都只不过62，性价比超高，份量大到男人都好够饱，女仔既话就最好share 啦！最有惊喜系两杯野饮，水准拍得住出面台式手摇饮料店，而且大大杯绝不欺场！推荐黑糖珍珠鲜奶，真系饮得到香浓黑糖味！最后提提服务，全场都有近十个职员，反应都好快，几好招呼！黎开上水又想食个性价比高既晚餐既话，不妨试试呢间台湾菜餐厅！