新匯聚打冷小廚 (已結業)

朋友喺观塘返工， 所以约去观塘食饭当然要揾地胆推介啦！今次食呢间新汇聚打冷小厨，位于观塘工厦位置算方便，地铁站过去都系5分钟。  叫得打冷小厨，所以餐厅都系主打潮洲小菜。虽然好多都想试，但由于我地得2个人，费事眼阔肚窄所以最后只系叫左一个细既卤水拼盘、金银蛋娃娃菜、细嘅潮式蚝仔泡饭同一杯西瓜凉粉冰。  卤水拼盘虽然系细既，但份量真系超多超抵食！一碟有齐卤水鹅，墨鱼，猪大肠，红肠，卤水豆腐同猪头肉，啱晒选择困难症人士。  我自己最钟意就系墨鱼，爽口弹牙，食唔停口。朋友就超欣赏佢哋嘅卤水豆腐，因为够晒入味！  金银蛋娃娃菜份量十足，上汤香浓，平时唔多食菜嘅朋友都好捧场！  潮式蚝仔泡饭好足料，每一勺都有三四粒蚝仔，量多之余质素都好，蚝仔肥美得嚟都够鲜味！配埋芫茜、芹菜、香菇等配料，超好食！轻松清晒成碗！  最后嘅西瓜凉粉冰夏天消暑一流，入面仲有好多西米，有咬口啱晒我！  两个人最后都系食咗$318，扺食、好味、份量又足，迟啲疫情冇咁严重可以叫多啲朋友嚟试多几款菜式。