浜滝 (已結業)

今晚去完医院探人。同友人行左去电气道揾食，见到有间好有日本居酒屋feel 嘅餐厅，可以食下野饮下野，正合叔意。叫左柚子梳打同特大青柠可乐，够清爽。𩠌野饮一流嘅炸虾仔，48蚊好大兜，咸咸香香几鲜味。前菜食下串烧，烧冲绳菠萝最推介，28蚊，好juicy 好香甜，烧到暖暖带点焦香，菠萝香味十足。再黎五色刺身398蚊，牡丹虾好大只好鲜甜，海胆新鲜。生蚝非常肥美，胀卜卜，蚝味十足，唔腥，有after taste, 回味无穷。最后黎个石锅饭，烧汁粟米炒饭惹味，鸡扒嫩滑，热辣辣，填补肚子空虚，满足。价钱合理，食材新鲜，料理功夫到家，环境适合小伙人聚会聊天，值得再次帮衬。