影片
更多
2008-06-20
32 浏览
** 此 食 肆 的 第 九 个 OK **寻晚(19-6-2008 Thu)再到医院探妈妈后,同爸爸,大哥,大嫂四人食晚饭,要实践前晚应承同爸爸o黎呢o度食盐焗鸡o既承诺,所以大家都冇异议.o黎到,o岩o岩地下剩返门口o既咭枱,我o地坐低,点知大哥唔钟意,问楼上有冇?我叫佢上去睇o左先,我好攰唔想行,良久佢都未返落o黎,我估有枱,话口未完佢就落o黎话上面有.于是我o地移师楼上.啊,有张8人枱,重要对住电视,我都好唔好意思四个人坐咁大张枱,不过我o地又多o野拎,而且都冇乜客,所以最后都冇咁o既感觉.好,叫𩠌1.爸爸指定o既盐焗鸡半只都系咁o既size啦,都有鸡味.呢排唔系又禽流感咩?重食咁多鸡.2.雀巢海鲜原来呢个一直都系大嫂想食o既菜,因上次我o地冇叫o度,所以佢今次要叫返.o黎到,大嫂即食个’雀巢’,’雀巢’唔油,亦冇油’益’(因为好记得6月5日晚o系有利食o个个油’益’ ’雀巢’ http://www.openrice.com/restaurant/commentdetail.htm?commentid=1908005)而海鲜都有好多同新鲜,有带子,虾仁,鱼块,鲜鱿同草菇,可惜
寻晚(19-6-2008 Thu)再到医院探妈妈后,同爸爸,大哥,大嫂四人食晚饭,要实践前晚应承同爸爸o黎呢o度食盐焗鸡o既承诺,所以大家都冇异议.
o黎到,o岩o岩地下剩返门口o既咭枱,我o地坐低,点知大哥唔钟意,问楼上有冇?我叫佢上去睇o左先,我好攰唔想行,良久佢都未返落o黎,我估有枱,话口未完佢就落o黎话上面有.于是我o地移师楼上.
啊,有张8人枱,重要对住电视,我都好唔好意思四个人坐咁大张枱,不过我o地又多o野拎,而且都冇乜客,所以最后都冇咁o既感觉.
好,叫𩠌
1.爸爸指定o既盐焗鸡半只
都系咁o既size啦,都有鸡味.
呢排唔系又禽流感咩?重食咁多鸡.
2.雀巢海鲜
原来呢个一直都系大嫂想食o既菜,因上次我o地冇叫o度,所以佢今次要叫返.
o黎到,大嫂即食个’雀巢’,’雀巢’唔油,亦冇油’益’(因为好记得6月5日晚o系有利食o个个油’益’ ’雀巢’ http://www.openrice.com/restaurant/commentdetail.htm?commentid=1908005)
而海鲜都有好多同新鲜,有带子,虾仁,鱼块,鲜鱿同草菇,可惜o既系味道淡,汁唔够惹味,可能为预o左我o地要蘸虾酱食o挂.
3. 梅菜扣肉
呢个我点o既,因大哥拣客家炆猪肉,而外婆家每年农历新年都会煮呢样,我就唔觉得好食,又突然记起梅菜扣肉,而且好耐冇食,所以叫呢样.
瘦肉好实,唔太多o既脂肪层好松软亦唔腻,梅菜咸啲.
4.椒丝腐乳唐生菜
又系呢样,菜系爸爸拣o既,搅乜?好钟意食生菜吗?
其实可唔可以唔要椒丝?辣味盖过晒腐乳味.
另要o左三个白饭,爸爸就话呢间o既白饭好食.
服务:
楼上o既亚姐o系点菜前同食完饭后就好服务,当我o地食o紧饭时,冇水打开壶盖好耐都唔斟水.
埋单o岩o岩好$320.00
张贴