霸嗎拉麵 (德己立街)

营业中

休息中

约咗朋友今晚系中环睇午夜场, 点知朋友临时OT, 叫我自己系附近揾餐厅食住野等佢。一个人的晚餐, 除了快餐, 即时谂起兰贵坊间霸吗拉面, 行到去刚好系上班族放工高峰时间, 餐厅门外已经出现人龙, 还好有时间排队等入座。餐厅地方企理, 一人堂食都唔会显得尴尬。见到MENU上新推出三款期间限定软壳蟹系列, 自行CLICK ORDER纸落单, 【松叶蟹肉蟹膏软壳蟹拉面】HK$128食材相当丰富, 完全覆盖整个拉面, 摆盘整齐, 尽显份量。有大大片紫菜、海苔、葱花、蟹味噌、松叶蟹肉、蟹膏, 仲有原只软壳蟹。将所有配料捞起, 大量蟹膏同埋蟹肉令汤底杰咗少少, 蟹鲜香味浓郁; 炸得金黄香脆嘅软壳蟹, 放上拉面汤底上, 稍为索咗汤汁, 令软壳蟹更为鲜香惹味, 就连面条都充满蟹味增汤汁, 完全满足到我呢个蟹控。另外仲 +$10 追加粟米粒混入汤面中, 多一点层次, 多一份清甜。【唐扬炸鸡】HK$35炸鸡表面干身, 不过只有微温, 炸皮微脆, 但肉质几滑。原味冇配调味料, 但台上有七味粉, 沾少少食, 少少辣, 唔错。最后再点埋甜品【日本米雪糕】HK$28雪糕米香味十足, 间中夹集烟韧米饭粒。