Dijaya (已搬遷) 新店位置

平时系尖沙咀饮野，通常都拣系诺士佛台，但今次就去咗朋友介绍嘅尖东嘅Dijaya。酒吧以紫黑色为主色，有种淡淡的神秘感，除咗bar枱，仲有一啲卡位同圆形枱，方便同朋友倾计，把酒谈欢~除咗薯片呢啲伴酒小食之外，仲可以叫啲小食泥送酒，一路食一路饮。今次就拣咗小食拼盘，小食种类都算多，有炸鸡翼、薯角、鸡肉串烧同西班牙肠仔，份量多。薯角炸到又香又脆，伴酒一流；肠仔系我最钟意嘅脆皮肠；而鸡翼同串烧尚算嫩滑，野饮方面，我就叫咗杯peach champagne ，淡淡嘅桃香味，啱哂女仔饮，好易入口，又唔易醉。朋友就叫咗杯long island，色泽就好似一杯真正红茶一样，仲有一小片柠檬做伴碟。因为系由几种酒沟出泥，都算系烈酒，有返咁上下酒量先好点呀。