影片
更多
2020-11-27
5619 浏览
24/11/2020同朋友相约去西湾河嘅‘激安烧肉工房’，有订位，但系比订位时间早咗到，都要等咗一阵先比到位（咁都比原定订左时间系早入咗嘅）细细个炉自己烧，坐低已经有几格豉油（仲有蒜蓉）、另外都有烧烤盐、 胡椒盐 俾你系烧紧嘅时候落。叫咗～九宫格烧牛盛盒（$288）: 分别有九款牛，每款大约有两至三块，最靓就当然系’浅色𠮶啲‘、另外深色𠮶啲系有腌过嘅，好林。大致上啲牛肉嘅味道几好，不过唔算十分浓味，所以有几款都要点啲盐食。美国顶级prime 肉眼 （$88）: 有两块好薄嘅肉眼，同朋友一人一块，有少少油分，爽呀。（蒜蓉）象拔蚌 （$28）：感觉上好细只 ，朋友话‘un’咗d .（蒜蓉）活元贝（$28）：好大只，洗得好干净，烧完都几鲜甜。盐味鸡翼 （$38）：有5只，中间预先剪开 ，方便烧。虽然话系盐味，不过都要自己落大量嘅胡椒盐先觉得有味。紫菜月见饭 （$28）：有蛋有紫菜有肉汁嘅饭，好味，配上牛肉仲好味。（但系份量可以再多啲嘅😏）Sapporo 啤酒 （$48）（而家买一送一）烧肉配啤酒，爽呀。有加一服务费，落单用手机scan QR code, 只收现金。服务都几好，职员都好有礼貌，
同朋友相约去西湾河嘅‘激安烧肉工房’，有订位，但系比订位时间早咗到，都要等咗一阵先比到位（咁都比原定订左时间系早入咗嘅）
细细个炉自己烧，坐低已经有几格豉油（仲有蒜蓉）、另外都有烧烤盐、 胡椒盐 俾你系烧紧嘅时候落。
叫咗～
九宫格烧牛盛盒（$288）: 分别有九款牛，每款大约有两至三块，最靓就当然系’浅色𠮶啲‘、另外深色𠮶啲系有腌过嘅，好林。大致上啲牛肉嘅味道几好，不过唔算十分浓味，所以有几款都要点啲盐食。
美国顶级prime 肉眼 （$88）: 有两块好薄嘅肉眼，同朋友一人一块，有少少油分，爽呀。
（蒜蓉）象拔蚌 （$28）：感觉上好细只 ，朋友话‘un’咗d .
（蒜蓉）活元贝（$28）：好大只，洗得好干净，烧完都几鲜甜。
盐味鸡翼 （$38）：有5只，中间预先剪开 ，方便烧。虽然话系盐味，不过都要自己落大量嘅胡椒盐先觉得有味。
紫菜月见饭 （$28）：有蛋有紫菜有肉汁嘅饭，好味，配上牛肉仲好味。（但系份量可以再多啲嘅😏）
Sapporo 啤酒 （$48）（而家买一送一）烧肉配啤酒，爽呀。
有加一服务费，落单用手机scan QR code, 只收现金。服务都几好，职员都好有礼貌，收碟收得好快。地点唔算好难揾，但系同西湾河地铁站都有d 距离. 缺点系抽气统麻麻地，食完成身都系烧烤味。同埋我觉得个炉嘅火唔系好大 （但系冇得调教大细的），因为我哋咁薄嘅牛，其实烧几秒已经（应该）转啡色，但系因为啲火唔系好猛，所以都有少少需时。可能系因为店主惊啲人用太大火，会好容易烧㶶挂。
张贴
