譚仔三哥米線 (德福廣場2期)

营业中

休息中

今日和同事在LUNCH 出去睇野，睇完后就谂住买外卖返公司食，点知度度都排长龙俾钱，后来见到呢间唔使排队就入去买个米线返公司食喇。我点了一个猪润米线，再额外加左一个口水猪脷再叫左杯冻柠蜜添。咁打完票后就在门外等候，虽然唔使排队买票，但都要足足等了十五分钟外卖才到手，在隔离其他食店既话，虽然要排队买飞，但最后应该都仲快过呢度可以拎到外卖，真失策！佢好在系汤还汤，米线还米线分开装，如果唔系啲米线就腍晒了。米线就冇腍，猪润有五块左右，切得好薄，食落好鞋，佢应该煮得太耐，鞋到似沙纸。口水猪脷又系切得好薄，薄到完全食唔到猪脷既味道，只得辣味，口感似食鸡肾咁硬，唔知以为食紧鸡肾。冻柠蜜就中规中矩，冇咩特别，总括黎讲，又要等咁耐，又唔系平，仲要质素咁差，应该冇下次了。