Duck & Waffle (已結業)

Item: Duck & Waffle
Rating: 4
Author: Sik Ju Gong

254 食记

味道

环境

服务

卫生

抵食

28291

中环

$201-400

英国菜西式海鲜甜品/糖水烤肉

166

Sik Ju Gong

等级2

Duck and Waffle呢间嚟自英国嘅过江龙都开咗喺IFC一段时间，一直以嚟都系好难直接walk in就入到去食嘅名店😎。不过近年呢个情况就有啲改善喇，今次只系一日前喺Openrice book就book到🤣。仲记得几年前嚟食都系À la carte，不过今次一去到侍应就放低咗个brunch menu，感觉上形式都有啲改变。Set Brunch Menu ($318)Set brunch嘅头盘有三款，全部都for share。图中见到嘅系两人份量。Salmon Tartare第一款头盘系三文鱼他他。原本餐牌上写嘅系牛肉他他，不过今日咁啱冇就改咗做三文鱼。当然有少少失望喇☹️，不过味道都调得几好。份量都唔会太少，只系三文鱼实在有啲过于普通，令佢扣咗唔少分。Corn ‘Ribs’第二款就系烤粟米，可以话系呢度最好食嘅小食！用半条粟米烤，配上黑蒜辣椒酱，有一种浓浓嘅香烤味，粟米又唔会太干，绝对系就算冇set menu都会à la carte叫嘅特色小食😋。Congee最后一款就系白粥。系，你无睇错就系粥😂。我见到menu𠮶时都有少少惊讶，不过睇嚟都系因为佢想迎合本地人口味而加嘅。但老实讲

Corn ‘Ribs’

第二款就系烤粟米，可以话系呢度最好食嘅小食！用半条粟米烤，配上黑蒜辣椒酱，有一种浓浓嘅香烤味，粟米又唔会太干，绝对系就算冇set menu都会à la carte叫嘅特色小食😋。

Congee

最后一款就系白粥。系，你无睇错就系粥😂。我见到menu𠮶时都有少少惊讶，不过睇嚟都系因为佢想迎合本地人口味而加嘅。但老实讲我就唔系好受落，因为嚟得呢度就系想食西餐㗎嘛😅。上到枱个白粥不出所料系非常港式，有葱有姜有榛子碎，水准亦都系普通。唯一惊喜嘅就系粥入面有加到溏心蛋🥚，呢个港日fushion可以帮个粥加番啲甜味，食落去都唔会咁寡口。个粥比较黏稠，钟意食稀底嘅人就未必咁啱食喇😛。

Duck & Waffle

嚟到主菜，每人可以各拣一款。第一款当然就系呢度嘅主菜Duck & Waffle喇。半件waffle，一只煎蛋，同埋一只鸭脾🦆，仲有糖浆附上。虽然今次无人嚟教点食，不过就记得上次嚟个waitor教唔好吝啬咁要倒好多糖浆，然后各切一小份加埋一齐食。虽然咁样真系几好食🙊，但太易肥喇🙈🙈，所以今次只系落咗少少。味就一定无之前咁足㗎喇，不过由于个鸭嘅油香味好重，所以依然系几好食😍。我自己仲钟意拮穿个蛋黄，等佢流入鸭肉同个waffle度，中和番个油腻嘅感觉。

Ox Cheek Benedict

另一款主菜就系牛颊肉egg benedict。上次嚟我就冇叫过，所以呢款都系第一次试🤤，结果系非常惊喜！其实佢个形式同头先嘅Duck & Waffle好相似，都系有waffle喺底，同egg benedict之间夹住好多牛颊肉丝🐂。可能你会话嚟呢度食牛会唔会浪费咗呀？呢个牛颊肉由于唔系成块而系碎上，入口比头先嘅鸭脾更嫩味道更浓郁，令到每一啖嘅口感都好丰富，绝对值得大家一试😍。

Warm Chocolate Pudding

跟住就到甜品喇！甜品有两款，每人都可以拣一款，唔使一定要各一。但我哋为咗试哂，所以都系拣哂两款嚟试。第一款就系心太软配黑芝麻雪糕。呢个心太软老实讲就有啲失望喇，一切出嚟朱古力做唔到流心嘅效果，个皮亦唔系好脆🥲。用上黑芝麻雪糕虽然系好特别嘅选拣，我个人亦好喜欢，不过就同心太软唔多夹喇。

Maple Glazed Granny Smith Apple Waffle

另一款就系苹果waffle配肉桂雪糕。呢个甜品食落去其实同apple cumble好相似，配上个waffle系底可以令佢口感更多层次，系一个几突破嘅组合。另外肉桂雪糕亦系一个好特别嘅口味，虽然自己麻麻地肉桂，但食呢个嘅时候我反而觉得唔差，唔只接受到仲觉得几多味，最重要系几夹😝。不过佢就有少少偏甜，未必啱麻麻地好甜嘅人喇。