小欖燒烤樂園 (已結業)

抓住暑假的尾巴，我地去小榄烧烤乐园。有遮盖无惧大太阳，仲有大风扇吹住轻松烧，小朋友又可以去充气水上乐园玩，大人细路都开心。烧烤场好大，环境开扬干净，对出就系蓝天碧海夏天都唔会闷热。场内仲有夹公仔机，各式游戏机供顾客玩乐。食物选择种类繁多，而且全部都好新鲜，除左各式扒类、丸类，仲有黑椒台湾肠 、酱爆猪肉丸、猪颈肉、鱿鱼等等...我最钟意蒜蓉鸡翼，只只都胀卜卜，味道腌得刚刚好，蒜香十足。蟹籽丸好鲜甜，一咬开就爆酱，好满足。鸭仔主题既充气水上乐园就系隔离，有好几个池同滑梯，连大人都玩得好开心，放完电又可以继续烧野食，真系好痛快。