影片
更多
2022-12-04
64 浏览
平时好钟意去太子黄店【Hami Harmony】食晚饭，因为佢小白屋木系设计充满温暖家居感觉。周围有好多猫头鹰同干花摆设，再加上枱面葡萄牙风瓷砖，每一个角落都系打卡位。今日去到，小店已经整左圣诞布置好有节日气氛，不过同店长倾开，得悉餐厅1月2号就会结业嘅坏消息。店主会继续经营观塘区嘅烘焙教室Hami Bakery @hamibakery，用另一个方式去坚持梦想同理念。黑松露酱薯条 ($78)系厨师推介，每次嚟都要叫。薯条炸得挺身香脆，放得耐左都唔会变淋，亦唔觉得油腻。食落有薯香同微微咸度，就算唔点酱都已经好好味，加埋黑松露酱系锦上添花。意式巴马火腿配意大利黑醋汁 ($78)以为系佐酒小食得d火腿，点知配上大碟沙律菜超丰富。Parma Ham粉嫰，切到好薄脂肪分布均匀。入口香得嚟唔会太咸。黑醋酸酸甜甜，提升咗火腿嘅鲜味。北海道软壳蟹配黑松露扁意大利粉 ($128)软壳蟹都几大只炸得酥脆，手工Linguine煮到弹牙，黑松露酱汁香浓得嚟唔会太稠太黏口。配料有意大利青瓜同蘑菇，口感更加丰富。肮脏 ($42) 拿铁咖啡 ($36)咖啡用本地工场炒豆，余韵带花香。"Dirty"鲜奶够冻，趁上面E
平时好钟意去太子黄店【Hami Harmony】食晚饭，因为佢小白屋木系设计充满温暖家居感觉。周围有好多猫头鹰同干花摆设，再加上枱面葡萄牙风瓷砖，每一个角落都系打卡位。
今日去到，小店已经整左圣诞布置好有节日气氛，不过同店长倾开，得悉餐厅1月2号就会结业嘅坏消息。店主会继续经营观塘区嘅烘焙教室Hami Bakery @hamibakery，用另一个方式去坚持梦想同理念。
黑松露酱薯条 ($78)系厨师推介，每次嚟都要叫。薯条炸得挺身香脆，放得耐左都唔会变淋，亦唔觉得油腻。食落有薯香同微微咸度，就算唔点酱都已经好好味，加埋黑松露酱系锦上添花。
意式巴马火腿配意大利黑醋汁 ($78)以为系佐酒小食得d火腿，点知配上大碟沙律菜超丰富。Parma Ham粉嫰，切到好薄脂肪分布均匀。入口香得嚟唔会太咸。黑醋酸酸甜甜，提升咗火腿嘅鲜味。
北海道软壳蟹配黑松露扁意大利粉 ($128)软壳蟹都几大只炸得酥脆，手工Linguine煮到弹牙，黑松露酱汁香浓得嚟唔会太稠太黏口。配料有意大利青瓜同蘑菇，口感更加丰富。
肮脏 ($42) 拿铁咖啡 ($36)咖啡用本地工场炒豆，余韵带花香。"Dirty"鲜奶够冻，趁上面Espresso仲系热果时，一啖饮落去可以享受冷热交融嘅美味。
小店虽然剩番唔够一个月就会结业，但过去美好嘅回忆同墙上果句"Never forget your hopes and dreams"永远都会留喺心里面。圣诞节我已经Book左位同朋友嚟影靓相兼庆祝，顺便去Say Goodbye。
希望各位同路人都可以作最后支持，帮衬下好味又有良心嘅小店啦~
张贴
