影片
更多
2024-09-24
2353 浏览
几个老死晌长沙湾球场睇完波，原本打算行过去青山道𠮶边揾食，因为𠮶边选择多，但喺大家都话好耐无踢，踢完成个人散散哋，故此就过咗对面「幸福商场」嘅「宾墟」食就算，好彩间餐厅收十点，我哋仲有大半个钟头嘅时间食饭吹水，又怀缅下昔日晌场上嘅风姿。基本上呢啲餐厅都喺做街坊客，所以，过咗8:00pm已经唔多会有新客，何况，我哋成九点几先嚟，变相包场，侍应阿姐一对一贴身招呼。环境都喺一般茶记格局，餐具、糖包、牙签……等等都喺例牌摆喺枱侧嘅抽柜中，自己招呼自己。嚟茶记多选择，不过，小弟都一样踢到榭晒，都无咁有心情慢慢影餐牌，只喺影咗自己所拣嘅泰式粉面一版。温馨提示，店家只收现金，呢样就有啲唔方便。鱼蛋鱼片汤河 $50啱啱踢完波，唔算话好胃口，食啲汤粉面就最好㗎喇。原本拣咗鲜味手撕鸡汤河，可能真喺太夜，已经买晒，所以，求其拣鱼蛋鱼片汤河。当然，啲鱼蛋鱼片都喺嚟货，不过，食落个质量都唔错，有鱼肉嘅鲜味，几弹牙，河粉爽滑，份量十足，个汤底亦都唔太差，啱胃口。热奶茶虽然踢完波，但我哋坐低凉咗好耐冷气，个人都想饮番热奶茶，最有风味。佢哋杯热奶茶饮落算有水准，茶底几幽香，茶奶比例都适中，只喺个人觉得唔算话好滑，但都
基本上呢啲餐厅都喺做街坊客，所以，过咗8:00pm已经唔多会有新客，何况，我哋成九点几先嚟，变相包场，侍应阿姐一对一贴身招呼。
环境都喺一般茶记格局，餐具、糖包、牙签……等等都喺例牌摆喺枱侧嘅抽柜中，自己招呼自己。
嚟茶记多选择，不过，小弟都一样踢到榭晒，都无咁有心情慢慢影餐牌，只喺影咗自己所拣嘅泰式粉面一版。温馨提示，店家只收现金，呢样就有啲唔方便。
鱼蛋鱼片汤河 $50啱啱踢完波，唔算话好胃口，食啲汤粉面就最好㗎喇。原本拣咗鲜味手撕鸡汤河，可能真喺太夜，已经买晒，所以，求其拣鱼蛋鱼片汤河。当然，啲鱼蛋鱼片都喺嚟货，不过，食落个质量都唔错，有鱼肉嘅鲜味，几弹牙，河粉爽滑，份量十足，个汤底亦都唔太差，啱胃口。
热奶茶虽然踢完波，但我哋坐低凉咗好耐冷气，个人都想饮番热奶茶，最有风味。佢哋杯热奶茶饮落算有水准，茶底几幽香，茶奶比例都适中，只喺个人觉得唔算话好滑，但都收货架喇。
鱼片头汤河 $50另一个老友都同我一样拣汤粉面，不过，佢就钟情于鱼片头，同样都喺大大碗，鱼片头嘅份量都多，佢就话质素唔错，又伴有少少萝卜、芽菜，算喺咁啦！
香煎美国西冷牛扒铁板餐 $65最估唔到嘅喺有位死佬原本都喺跟我哋食汤粉面，不过，佢见到个铁板餐只喺卖65蚊，觉得超好抵，就转軚拣咗份西冷牛扒，当喺补充体力。唔喺讲笑，唔知喺临收工卖大包定喺点，块牛扒超大件之余，唔单止铁板有薯菜，另外老细再整多碟曲纹薯条，搞到我哋都要帮下手一齐食。至于件西冷扒喺点？老友话当然唔可以同啲扒房比，但咁嘅价钱绝对喺性价比高。
我哋几个食完，当然继续坐喺度打趸凉量冷气，摊抖下，难得个老细都话唔介意，随便坐，不过，都费事阻人收工啦，老板无所谓啫，下面做细嘅啲阿姐阿叔梗喺想早啲收工啦。
张贴
