抖蛋馬來西亞古早味蛋糕 (啟德) (已結業)

每一个地方都有传统甜点， 而 呢啲传统甜点 去到第二个地方，配方可能就会有少少唔同， 演变出 食物的不同层次 。 例如古早味蛋糕咁，大家都系蛋，糖，面粉等等， 但系配方同配料唔同就会做出唔同感觉嘅古早味蛋糕。 今日经过启德， 见到有来自马来西亚嘅古早味蛋糕， 就系因为呢个原因， 想试下唔同地方嘅古早味蛋糕， 咁又买咗两件蛋糕返屋企。抖蛋系来自马来西亚嘅古早味蛋糕， 除咗有原味之外， 仲有咸蛋味，爆浆芝士味， 而且仲有马来西亚榴梿味添。 今次就买咗原味同埋咸蛋味。马来西亚原味古早味蛋糕， 蛋糕模有坑纹 ， 所以这件蛋糕睇起上嚟就会有一格格可以方便而易切。 切开蛋糕里面 ，见到一层层， 咬一口，蛋糕松软湿润，而且蛋味香浓。至于咸蛋味古早蛋糕， 呢度啲咸蛋留晒沙爆晒浆咁， 放到入口都觉得咸蛋好似火山爆发， 充满所咸蛋咸香嘅味道同埋鸡蛋本身嘅浓郁， 最重要系呢到的古早蛋糕热食又得，暖食又得，放喺雪柜雪冻食又系另一种滋味， 咁先至系真正嘅古早味蛋糕。