影片
更多
2020-05-24
280 浏览
今日返工鬼死咁忙，再加上晏昼比老细话，跑唔到数😭😭，心情唔好，我乜都唔想做啊，朋友一于帮我拣餐厅，朋友一般我拣嘅餐厅都唔系特别好，但系呢间虽然味道真系唔系好好，但系其实都系食一份心意，大家有时间经过旺角嘅话真系可以去试一试，就当系支持下我哋嘅黄色经济圈啦！首先餐厅只系会招待会员，如果你本身唔系会员嘅话就要填一份表格，入咗会员先，咁先至可以坐低食嘢嘅，入到去就知道其实系一间Cafe，咁见到装修好多文宣啦，我见好多人都有影相，咁我就决定唔去特别影啦，再加上今日心情真系好麻麻，都冇心机去影相了。坐低左好耐先至谂到食啲咩，咁我嗌左个和风牛肉饭，朋友就叫咗个卤肉饭，跟住就叫咗个小食同埋甜品，加埋都系二百零蚊，系合理价钱嚟嘅。讲咗和风牛肉饭先啦，上面有流心蛋，本身系谂住将蛋入边嘅蛋汁同牛肉汁捞埋啲饭一齐食，上到去见到冇乜牛肉汁，就会感觉到个饭比较寡，不过首先睇落去底𠮶度其实系有少少牛肉汁嘅，但系其实真系比较少，而且都系比较偏淡啲，所以可能下次可以整到个牛肉饭浓味啲同埋多啲汁就好食啲，不过我自己个人就觉得个饭真系好大个，不论系我手上呢个同埋我之后会讲嘅卤肉饭，如果系饭桶就真系一流之选。跟住就试食咗几
首先餐厅只系会招待会员，如果你本身唔系会员嘅话就要填一份表格，入咗会员先，咁先至可以坐低食嘢嘅，入到去就知道其实系一间Cafe，咁见到装修好多文宣啦，我见好多人都有影相，咁我就决定唔去特别影啦，再加上今日心情真系好麻麻，都冇心机去影相了。
坐低左好耐先至谂到食啲咩，咁我嗌左个和风牛肉饭，朋友就叫咗个卤肉饭，跟住就叫咗个小食同埋甜品，加埋都系二百零蚊，系合理价钱嚟嘅。
讲咗和风牛肉饭先啦，上面有流心蛋，本身系谂住将蛋入边嘅蛋汁同牛肉汁捞埋啲饭一齐食，上到去见到冇乜牛肉汁，就会感觉到个饭比较寡，不过首先睇落去底𠮶度其实系有少少牛肉汁嘅，但系其实真系比较少，而且都系比较偏淡啲，所以可能下次可以整到个牛肉饭浓味啲同埋多啲汁就好食啲，不过我自己个人就觉得个饭真系好大个，不论系我手上呢个同埋我之后会讲嘅卤肉饭，如果系饭桶就真系一流之选。
跟住就试食咗几啖朋友食嘅卤肉饭，我用返上面有啲好硬身嘅蒜头，我个人本身唔系好钟意食蒜，再加上啲咁硬身嘅蒜头令到我对个饭个口感会有啲改变，不过其实个饭始终都系唔系好够汁，同埋个卤肉真系比较少，反而佢个饭真系好多，所以呢个饭都系个饭桶必嗌。
叫咗个芝士年糕，芝士年糕好好食，佢入边嘅芝士个馅都好够芝士味，都整到外脆内软嘅感觉，下次可以再叫。
另外就叫咗个红豆抹茶嶡饼，个甜品好好食呀，不过我觉得佢红豆个份量比较多，如果红豆个量比较少，佢整多啲饼嘅话佢会好食啲。
讲吓服务态度同环境先，淘宝态度系OK嘅，环境方面就都好干净啊，座位又舒服，起码我哋两个人都可以坐到出边六个人嘅位啊，不过如果系餐厅系可以提供多啲唔同嘅娱乐就好，例如话系飞行棋呀象棋啊𠮶啲，咁就可以比多啲人去Cafe入边娱乐，不过其实一换过角度来讲，你间餐厅啲嘢买嘢食都唔系特别贵，如果你提供呢啲娱乐嘅话都反而都系会令到餐厅做少几转客，所以我觉得可以直接开一间台式餐厅都好啲，而唔系行Cafe路线，不过整体上来讲餐厅不论系嘢食同埋佢个模式都好真系有啲不完美，但系可以接受嘅。
简简单单又完成左篇食评啊，今日心情好差，搞到之后影𠮶啲相全部都好差，果然系祸不单行，不过我都照摆番上去先，睇吓OpenRice会唔会俾我过。
张贴
